六記

營業中

休息中

今晚無人相伴，又忽然想對自己好啲，就搵下青衣有冇咩美食，俾我搵搵到一間位於涌美嘅街坊餐廳叫“六記”。膽粗粗走去試下，我一個人嗌左半隻招牌雞煲$142，一份六隻韭菜豬肉餃子$58。雞煲我叫左小麻小辣，哩個組合對我黎講係完美。雖則講話半隻雞，依然有好多件雞，雞肉好嫩滑， 而且啖啖肉，性價幾高，仲可以加點配料打埋邊爐。再嚟就係韭菜豬肉餃子，58蚊六隻看似有啲貴，但其實睇返幅相，無誇張哩個係我食過最最最大隻嘅餃子，隻隻都賬卜卜， 超級多餡料，咬四五啖都未食完一隻，絕對對得住個價錢。屋企行過去有少少遠，但係呢間都算係青衣美食沙漠中嘅甘泉，下次會帶埋媽咪去，咁就可以食多啲嘢。