Table

營業中

休息中

成日經過Table 都見大排長龍😮今日見早咗放工就去碰下運氣，好彩唔使等就有位！餐廳光猛開揚，樓底高，牆壁上邊仲有幽默嘅漫畫，坐喺裡面感覺非常舒服。點餐可以直接用手機自己落單，方便快捷👍🔶好耐冇食過啲真係熱辣辣嘅鐵板餐啦。一般我食嘅鐵板餐可能係微微熱過，淋番啲醬汁就算，但係呢度嘅鐵板真係燒到好熱🔥要用餐巾擋住一陣，唔好俾啲汁濺到件衫度，一路等一路流晒口水🤤5️⃣款鐵板餐入面，我揀咗美式雜扒餐 - 有兩塊豬扒、一塊雞扒、一條芝士腸、一片煙肉、薯條同埋雜菜，份量非常足夠😮‍💨有兩款醬汁可以揀（黑椒汁/蘑菇燒汁），配埋香濃羅宋湯🥣真係CP值好高！🔶安格斯板腱牛肉石鍋烏冬賣相絕對吸引，一放上枱嘅時候真係會令人「嘩嘩」聲，因為石鍋燒得非常炙熱，放上枱時湯汁仍然沸騰著，差唔多成2分鐘。牛肉軟腍，烏冬麵彈牙，鮮雞濃湯亦十分滋味，加埋粟米粒，木耳絲同埋翡翠苗，豐富又美味。