Cobber Coffee and Tonys Pastry (裝修中)

觀塘食肆越開越多，而且間間都好有特色，有時雖然會貴少少，但都係物有所值。再次上來工廠大廈2樓，雖然已經是下午2:30，但門口仍然有人排隊，餐廳不設訂位。等左大約半個鐘，入到店內都非常闊落，感覺舒服，Scan QR Code 用手機點餐，這種形式已經開始習慣了。點了蕃茄大蝦意粉、黑松露忌廉蘑菇雞肉燉飯、雞肉藜麥沙律、香蒜牛油雞翼、Latte、百香果冰茶，同埋超吸引嘅焦糖香蕉梳乎厘！呢度上菜好快，各樣食物都好有水準，而且份量足夠，梳乎厘香香軟軟，配上榛子醬及焦糖香蕉，更加係錦上添花！所以價錢貴少少都值得，絕對會再次幫襯。