新泰東南亞餐廳 (馬鞍山廣場)

營業中

休息中

馬鞍山一向係美食沙漠，近年開左唔少有質素餐廳，新泰就係其中一間！因為疫情都好少出街食飯，今晚終於可以堂食！餐廳裝修幾令，野食選擇都好多。點左串燒沙爹半打，平時好多泰國餐廳叫沙爹都只可以揀一款，呢度可以豬牛雞每樣2串，值得一讚!沙爹每串都好厚肉，最正係沙爹豬，燒得好香，配埋沙爹汁好味！蠔仔炒蛋都十分推介，鐵板上熱辣辣，有好多蠔仔，炒蛋都好滑好有鑊氣。食泰國嘢當然要點個咖喱，唔食得太辣所以要左馬沙文咖喱牛腩，有好多牛腩肉！而個汁好香濃，要黎送飯同薄餅正。