影片
更多
2020-03-06
108 瀏覽
今日同一位老友嚟到馬鞍山呢個傳統嘅美食沙漠，食呢餐之前我問朋友：究竟馬鞍山係咪真係冇嘢好食㗎？佢就話實際上只要你識搵嘅話，都會有啲高質素嘅餐廳，咁佢今日就帶咗我去呢間食泰國菜嘅餐廳。餐牌係好標準嘅泰國菜菜單，普通泰國菜食到嘅菜式都大致上有得食。另外佢有酒可以order，除咗泰國菜必備泰國品牌啤酒之外，估唔到連雞尾酒都有得serve，不過今日呢餐飯我就冇叫到酒。但我見隔離枱有叫到啤酒，睇落大大杯咁，愛酒朋友絕對可以一試。每次食泰國菜，一定會嗌肉碎生菜包試一試餐廳水準。唔好睇呢道菜好似好容易整，其實要整得好食絕對一啲都唔容易。我始終相信越簡單嘅菜式越考到師傅嘅功夫，亦都睇到餐廳著唔著重細節。簡單講，呢道菜靈魂係在於廚師點樣將個肉碎調味。呢碟我會比一個幾高嘅分數，肉碎夠熱，香料用得合適，唔會太搶味，整體嚟講好味至極，我都食咗好多塊。呢碟係濕炒海鮮河，原本無乜期望，只係想叫碟河粉填飽肚就算。殊不知竟然有驚喜喎，師傅炒得好有鑊氣，海鮮用料唔姑寒，仲有唔少蔬菜，吸收到唔同營養。呢味係馬沙拉咖哩雞，外形睇落平平無奇，食完之後覺得整得好有水準，仲有幾舊薯仔同蕃茄仔伴碟，唔會只係得雞件咁寡。我地仲叫咗印
餐牌係好標準嘅泰國菜菜單，普通泰國菜食到嘅菜式都大致上有得食。另外佢有酒可以order，除咗泰國菜必備泰國品牌啤酒之外，估唔到連雞尾酒都有得serve，不過今日呢餐飯我就冇叫到酒。但我見隔離枱有叫到啤酒，睇落大大杯咁，愛酒朋友絕對可以一試。
每次食泰國菜，一定會嗌肉碎生菜包試一試餐廳水準。唔好睇呢道菜好似好容易整，其實要整得好食絕對一啲都唔容易。我始終相信越簡單嘅菜式越考到師傅嘅功夫，亦都睇到餐廳著唔著重細節。簡單講，呢道菜靈魂係在於廚師點樣將個肉碎調味。呢碟我會比一個幾高嘅分數，肉碎夠熱，香料用得合適，唔會太搶味，整體嚟講好味至極，我都食咗好多塊。
呢碟係濕炒海鮮河，原本無乜期望，只係想叫碟河粉填飽肚就算。殊不知竟然有驚喜喎，師傅炒得好有鑊氣，海鮮用料唔姑寒，仲有唔少蔬菜，吸收到唔同營養。
呢味係馬沙拉咖哩雞，外形睇落平平無奇，食完之後覺得整得好有水準，仲有幾舊薯仔同蕃茄仔伴碟，唔會只係得雞件咁寡。我地仲叫咗印度薄餅去配上咖哩雞，將咖哩汁淋落薄餅到食，簡直一絕。
朋友叫咗個油飯，佢仲自製咗個咖哩雞油飯，相當惹味。
店內裝修亦唔馬虎，下圖係佢地個迷你酒吧。
另外想講少少服務質素，呢間舖頭上至經理，下至侍應都好有禮貌。做野爽手，事關我地每次飲完杯水，擺低隻吉杯一陣就有店員fill水，呢樣絕對係抵讚。
整體而言，今次用餐體驗相當之唔錯，馬鞍山朋友值得一試。
張貼
