新泰東南亞餐廳 (馬鞍山廣場)

營業中

休息中

炎炎嘅夏天就想食開胃D嘅菜，泰國菜酸酸辣辣就啱晒，位於馬鞍山廣場轉角位，就有一間唔錯嘅選擇。餐廳內環境裝修充滿泰國特色，裝修好靚同好舒服，就連餐具都有精心挑選過。鹽焗鱸魚$128有鱸魚或者烏頭可以選擇，問咗服務員姐姐，烏頭會少啲骨，鱸魚肉質會滑啲，我哋就揀咗鱸魚。魚入面包住左香茅同埋香葉一齊焗，有陣陣嘅香味散發出來，條魚焗得外脆內軟，時間控制得啱啱好，打開塊魚皮，肉質非常嫩滑多汁，而且新鮮又夠鮮甜，果然冇令我哋失望。馬拉盞通菜$75馬拉盞好香，通菜亦炒得夠翠綠，同埋爽脆，有少少辣味好開胃。越式蟹肉要炒粉絲$95材料非常豐富，有蟹肉，扎肉絲，蝦乾，西芹絲，椰菜絲等等嘅材料一齊炒。粉絲炒得夠乾身，同埋夠入味，蟹肉夠鮮甜，蝦乾亦非常大隻，材料比粉絲還要多，整體味道好好食。