熱沙咖啡

營業中

休息中

記得上一次入馬灣係八年前，仲係去挪亞方舟，其他地方完全冇去過。見到近期大熱「馬灣1868」，好多人去打卡，之後就去咗馬灣鄉事會路大街村北食lunch，呢度有間主打土耳其私房菜，仲有土耳其咖啡教學班。店內裝潢舒適，佈置精美，仲可以任穿土耳其服飾，打卡真係一流。☕️順便梗係學煮製土耳其咖啡體驗一下。🫖紅石榴茶 $45～先上一壺開胃茶，酸酸甜甜，味道好醒胃！🍕海鮮菠菜芝士薄餅 $188～土耳其一種傳統料理，一層一層薄餅皮，放上適量的餡料，形成長方形。味道外脆內軟，風味獨特。🌮秘製雞肉烤餅 $178～雞肉鮮嫩多汁，生菜清脆，香氣撲鼻，口感豐富。🍍🍧菠蘿百香果沙冰 $58🍍🍧菠蘿橙肉沙冰 $58🍠🧊自家製紫薯雪條 $40～用上新鮮紫薯蓉而成，食落有紫薯粒嘅口感。🌱🧊自家製到手香雪條 $40 ～加入新鮮檸檬汁嘅到手香雪條，味道酸酸甜甜，亦有奶香，好特別嘅味道。☕️土耳其咖啡~呢個煮咖啡教學體驗好正，一定要試吓自己試吓整😆，導師話土耳其人一杯可以飲半日，仲有一粒土耳其糖，邊吃邊飲！