影片
更多
2022-12-08
175 瀏覽
今日星期六要開OT，OT完後就同老公順便食埋飯先返屋企。平時食午飯，呢一帶都勁多人，間間都滿座，今晚就想食一間平日都好想食嘅馬來西亞餐廳。餐廳幾有馬來西亞feel，環境真係好乾淨，坐落舒服。攞起兩人餐menu睇睇，就覺得好多嘢食，仲係抵食價。既然食得晒，咁就揀佢。前菜沙律：沙律菜洗得乾淨，醬汁係醋，酸酸地幾開胃。小食：有馬拉盞一口蝦多士、沙嗲雞脾肉串同埋手打馬來蝦餅，全部剛剛炸起，好香口，一口蝦多士好脆，沙嗲雞脾肉串個醬汁仲有花生，好好味。手打馬來蝦餅好彈牙，幾好食。馬來生炸雞髀配椰漿飯：聽落個名好似好寡咁，但其實好豐富。炸雞髀好大隻，仲係我老公至愛，雞髀夠滑夠香。椰漿飯帶椰漿果個甜味，旁邊仲有炸魚仔、花生、半隻糖心蛋同埋西蘭花等配菜，好豐富，係好味嘅。濃香喇沙煙肉長通粉：一入口就同老公有同感，真係喇沙味喎。唔好睇少呢個碟，真係好深，份量好多。煙肉加喇沙，味道夾，好濃味，好食。斑蘭架央多士：多士又香又脆，裡面夾住塊厚厚牛油，有口感，勁重牛油味，感覺即刻肥左兩磅咁，但好好味。美祿山：老公不嬲都鐘意飲，都大杯架，上面鋪滿美祿粉，又幾似座山。佢話夠甜夠凍，美祿粉凝結左一粒粒仲可以食添。香茅檸
餐廳幾有馬來西亞feel，環境真係好乾淨，坐落舒服。
攞起兩人餐menu睇睇，就覺得好多嘢食，仲係抵食價。既然食得晒，咁就揀佢。
前菜沙律：沙律菜洗得乾淨，醬汁係醋，酸酸地幾開胃。
小食：有馬拉盞一口蝦多士、沙嗲雞脾肉串同埋手打馬來蝦餅，全部剛剛炸起，好香口，一口蝦多士好脆，沙嗲雞脾肉串個醬汁仲有花生，好好味。手打馬來蝦餅好彈牙，幾好食。
馬來生炸雞髀配椰漿飯：聽落個名好似好寡咁，但其實好豐富。炸雞髀好大隻，仲係我老公至愛，雞髀夠滑夠香。椰漿飯帶椰漿果個甜味，旁邊仲有炸魚仔、花生、半隻糖心蛋同埋西蘭花等配菜，好豐富，係好味嘅。
濃香喇沙煙肉長通粉：一入口就同老公有同感，真係喇沙味喎。唔好睇少呢個碟，真係好深，份量好多。煙肉加喇沙，味道夾，好濃味，好食。
斑蘭架央多士：多士又香又脆，裡面夾住塊厚厚牛油，有口感，勁重牛油味，感覺即刻肥左兩磅咁，但好好味。
美祿山：老公不嬲都鐘意飲，都大杯架，上面鋪滿美祿粉，又幾似座山。佢話夠甜夠凍，美祿粉凝結左一粒粒仲可以食添。
香茅檸檬蜜：食嘢係香茅就食得多，飲品就未飲過。味道幾特別，係有少少香茅味道，唔會太濃烈，甜甜地，都OK喎。
張貼
