蘇媽.蘇媽馬來西亞茶餐室 (已結業)

蘇媽愈開愈多，荃灣蘇媽地理位置幾好，裝修特別，充滿馬來西亞風味，仲有食物好味，地道馬來西亞味道，超鐘意。每次必食2份椰香咖央多士（$32），多士烤到香脆，加上咖央醬，食完一塊又一塊。我通常會叫杯凍檸檬薏米水（$32），唔會好甜。仲有必叫嘅招牌砂煲老鼠粉（$92），打開鍋蓋，有飯生蛋，要立即撈埋d老鼠粉。老鼠粉其實就係類似銀針粉，加上肉碎，好香。但粉會痴哂底，刮一刮會食到脆脆地嘅粉。食馬來西亞野一定要試試佢個肉骨茶（$98），我地今次叫左棒棒骨肉骨茶。肉骨茶任添嫁，藥材味濃，好滋保。而怡保雞絲湯貴刁（$62）就一般般喇。大家可以試下喇沙，不過就偏辣嫁。好鐘意蘇媽依間餐廳，十分地道。