馬祖台灣養生湯麵館 (和安里)

營業中

休息中

兩點幾行過中環見到間新開嘅養生麵店,Menu有11款唔同既藥膳款式,價錢$6x-7x,係中環呢度係合理既價錢,就同同事去試下小店先同事揀左蟲草花藥膳雞米線,而我就揀咗香辣藥膳牛肉手工麵,另加五隻水餃,一支冷泡四季春同埋支裝雀巢牛奶咖啡。野食好快就到,份量十足,即使同事叫咗少米線,份量亦非常充足,而我嗰碗牛肉麵更加係好多舊牛肉先講牛肉手工麵, 雖然啲牛肉好大嚿,但竟然做到好林好入味,呢個係驚喜加上我揀咗中辣,個湯好惹味,而同時有藥膳,感覺一流。手工麵做得出色, 比我之前喺灣仔食嘅一間所謂手工麵好食好多(詳情可以睇番我之前既post)!!同事嘅蟲草花雞藥膳米線,個湯清甜,飲落覺得無味精,而且有雞髀仔又有雞翼,份量都係好足料。本來想食鹵水雞翼,但已經賣曬所以我哋揀咗水餃,水餃嘅皮好滑,亦都好薄,味道唔錯,不過喺牛肉麵嘅對比之下,牛肉麵就出色好多至於餐飲既冷泡四季春,淡淡茶香,落咗一整個茶包,我咁岩見住職員係度人手入樽,係一間有誠意嘅小店。總括而言,小店係足料同有驚喜既,最後埋單$205,呢個質素會再黎食。