老長沙湘菜館 (已結業)

今晚放工同屋企人係佐敦呢頭搵嘢食，吳松街附近有間新開既湘菜館—老長沙湘菜館，見到餐牌既菜式幾吸引，就決定係度食晚餐。餐廳位置都幾近站，無論佐敦定柯士甸站落都方便。有兩層，環境唔錯，卡位坐得好舒服！我地叫左4個菜。呢碟係涼拌海帶絲，同我想像中既涼拌海帶絲唔同，佢唔係爽口既，反而係軟軟地既口感，酸酸辣辣，特別開胃！重有好香既蒜味！食辣嘢緊係飲返壺靚普洱。小炒黃牛肉，好香好辣，送飯一流，脂肪少、肉質好扎實！好多香菜配埋一齊食，同牛肉相得益彰！乾鍋雞，暖住食，熱辣辣！糯米蒸排骨，好特別，第一次食，糯米飯食落，煙煙韌韌，朔晒排骨嘅鮮汁，味道口感都好正！