江記

營業中

休息中

荃灣香車街熟食市場有幾間隱世食店，呢間就係其中一間，如果唔係有高人介紹，我諗我都未必識搵食搵到上去。一間好普通嘅麵店，主要賣嘅只有牛腩、肉絲、鳳爪同雲吞，四樣都好食，不過最有驚喜嘅係佢嘅肉絲。佢嘅肉絲同出面食到嘅最唔同嘅地方就係老闆係事先煮過，而唔係將D肉絲求其用滾水淥熟，所以食落去就有好大嘅分別，我平時喺出面好少食雪菜肉絲炸菜肉絲嗰D，不過黎到呢度就一定會叫肉絲。我去過幾次，D熟客都會叫「絲爪」，即係肉絲加鳳爪，有機會大家都要試下呢間嘅肉絲。