錦麗 (創紀之城五期(apm))

營業中

休息中

呢間人氣店。一到食飯時間就排滿人。所以多數都會揀佢岩岩開門嘅時間黎。一定唔駛排。一坐低侍應就會用杯送上配料。有鵝蒂九層塔辣椒青檸芽菜。乜都想食啲所以叫左錦麗綜合粉。有生牛肉熟牛肉同牛丸。一送到就先飲一啖湯。夠香亦都夠清。滿滿牛骨味。之後就慢慢落啲配料落去。唔夠可以叫侍應加。其實咩都唔落就咁食都已經好好味。生牛肉上枱時都仲係粉紅色。浸埋落啲湯度就岩岩好。質感夠軟。唔錯。不過熟牛肉就硬左少少。最愛就係牛丸。咬落去好多汁。味道亦都正材實料。下次再黎絕對可以淨叫牛丸。