沙田新強記燒鵝海鮮酒家

營業中

休息中

呢間大圍新強記細細個成日聽，我記得係我好細個嘅時候，都有喺呢度食過一蚊雞粥。突然間醒起佢，於是就同一家人一齊嚟呢度食。我哋叫咗幾個餸，有燒乳鴿、椒鹽鮮魷、薑蔥龍躉斑頭腩煲、上湯雜菜煲，同埋當然要食飯佢最馳名嘅雞粥啦。燒乳鴿都係佢招牌菜之一，烤出來嘅乳鴿皮脆肉嫩多汁，有浸好香嘅煙熏味，絕對值得一試。椒鹽鮮魷就鑊氣十足，龍躉斑頭腩就非常之線，只係略嫌有稍為鹹咗啲。上海雜菜煲個湯非常濃郁，營養豐富，好適合冬天食。最後係個雞粥，真係童年回憶，食落去味道非常之濃厚，質地棉密，每一啖都吸收咗濃郁嘅雞肉香味，啲雞肉亦都唔鞋，非常之滑。食完之後酒樓仲送多人一碗順滑口感嘅芝麻糊，食到我哋舐舐脷。好彩我突然間醒起呢間酒家走咗嚟食，咁好食嘅老字號，真係要再多啲嚟幫襯啦。