-
湯底方面，我哋揀咗鴛鴦鍋，一邊係麻辣鴨血湯，一邊係椰子雞鍋。麻辣鴨血湯香辣夠勁，辣中帶麻，湯底濃郁得黎唔會死鹹，而且鴨血夠滑，真係辣得過癮。而椰子雞鍋就入口清甜，椰子香氣濃郁，雞肉嫩滑，湯底唔單止好飲，仲非常解膩，無論鍾意重口味定清新口感都得，絕對係誠意靚湯，體現出香港地道火鍋放題中嘅原味道地。
-
食材方面我哋就真係食得好滿足，重點係一鍋堂雖然係任食價錢，但食材質素絕對有單點火鍋嘅水準。首先必試係佢哋嘅日本黑毛和牛A4+，脂肪分佈均勻，入口即溶，牛味十足，唔洗點醬都已經夠味。極上安格斯牛小排亦都相當出色，肉味濃郁，脂肪比例啱啱好，食落好有口感。我哋仲食咗南非和牛三花腱，同伊比利亞黑毛豬，肉質有層次，脂肪唔會過多，真係愈食愈香。
-
另外磯煮鮑魚同鮮甜桶蠔都令人驚喜，鮑魚就咁食得得，咬落爽口彈牙，而且一d都唔韌，蠔就肥美鮮甜，完全冇腥味，啖啖都係海水既鮮味。至於瑤柱干貝滑，入口細滑又彈牙，食得出係自家製，有滿滿既瑤柱絲，真係好足料。
-
除此之外，一鍋堂仲有自助吧提供大量新鮮蔬菜、菇類、火鍋丸滑類同熟食選擇，補得快又乾淨，款式多又真材實料，打邊爐之餘都可以食得均衡，感覺好正。
-
