影片
更多
2018-03-06
109 瀏覽
月尾準備出糧，梗係要對自己好 D 啦！我本身都好喜愛食海鮮水產，特別係用日本磯燒既方法去炮製又或者刺身料理，前者就可以食到燒過既香味，後者就食佢最天然既鮮味。過親去日本我都一定會去當地既水產專門店，而聽講銅鑼灣依間焱丸水產用料好正好新鮮，仲係日本運過來，點可以唔食！炸蓮藕片食磯燒水產我地都習慣會飲點酒，而飲酒又點可以無下酒物？我地點左炸蓮藕片，炸到透令到口感非常鬆化，非常似厚身既薯片，但蓮藕既味道又隱隱若若感覺到，好特別！麻醬蕃茄豆腐沙律新鮮沙律配麻醬一定係清新之選，而且蕃茄微酸非常開胃，豆腐仲好滑呀！原條池魚 - 刺身到主菜來啦，原條池魚切成刺身，師傅刀工好勁每塊大小都幾乎一樣！仲切埋格紋令到入口咀嚼時更加有口感；魚肉好鮮味，一 D 腥既感覺都無，令人食完一舊又一舊，而且如果細心品味既話，你會試到唔同部位既魚肉，有一種好微妙既分別，特別係佢既煙韌程度！帆立貝刺身同原條池魚刺身放埋一齊既帆立貝刺身都無因為咁而失色，佢完全係另一種鮮味，係屬於貝類獨特既味道，口感幼滑又有質感！蟹味噌甲羅燒食完超正既刺身，係時間要開始我地既磯燒時間！第一樣我地叫左好多人都打卡既蟹味噌甲羅燒。所以呢個燒蟹蓋一
炸蓮藕片
食磯燒水產我地都習慣會飲點酒，而飲酒又點可以無下酒物？我地點左炸蓮藕片，炸到透令到口感非常鬆化，非常似厚身既薯片，但蓮藕既味道又隱隱若若感覺到，好特別！
麻醬蕃茄豆腐沙律
新鮮沙律配麻醬一定係清新之選，而且蕃茄微酸非常開胃，豆腐仲好滑呀！
原條池魚 - 刺身
到主菜來啦，原條池魚切成刺身，師傅刀工好勁每塊大小都幾乎一樣！仲切埋格紋令到入口咀嚼時更加有口感；魚肉好鮮味，一 D 腥既感覺都無，令人食完一舊又一舊，而且如果細心品味既話，你會試到唔同部位既魚肉，有一種好微妙既分別，特別係佢既煙韌程度！
帆立貝刺身
同原條池魚刺身放埋一齊既帆立貝刺身都無因為咁而失色，佢完全係另一種鮮味，係屬於貝類獨特既味道，口感幼滑又有質感！
蟹味噌甲羅燒
食完超正既刺身，係時間要開始我地既磯燒時間！第一樣我地叫左好多人都打卡既蟹味噌甲羅燒。所以呢個燒蟹蓋一定要點，有蟹肉、有蟹膏、還有蟹子，仲有味噌味既配合，感覺好鮮好甜，不過最搶鏡既應該是果粒鵪鶉蛋。
焱丸活貝大盛
活貝大盛包括 4 款出位海鮮，鮑魚、帆立貝、大蜆、日本蠔。用來燒，剩係睇都係一種享受，因為用料超新鮮！
當中我最鐘意既係鮑魚同埋帆立貝，鮑魚仲係會識郁，非常彈牙爽口；而帆立貝用白酒一齊燒，肉質出來係有陣陣既酒香，而且令到個汁非常豐富同鮮味，おいしい！
三文魚飯團
珍珠米做成既飯團裡邊，係料理過既三文魚肉碎，夠哂日本風味！
冷烏冬
沾上特製既醬汁，食到我地雪雪聲，冷冷既口感特別吸引！
菠蘿燒酎
點左依個酒精成份唔係好高既菠蘿燒酎，陣陣清甜既菠蘿味加上燒酎既酒精，非常夾同易入口，轉頭就已經飲哂! 最衰聽日要返工，如果唔係真係想飲多幾杯。
鹽檸檬 Highball
朋友仔點既鹽檸檬 Highball，酒精成份偏高，因為佢基本上就係 Wisky，不過鹽同檸檬令佢變得好特別，一樣咁易入口！
真係唔使飛日本都食到日本既磯燒風味，價錢唔算非常貴，因為性價比都唔低！
張貼
