美心中菜推出「青海珍味・家宴」系列，嚴選青海無污染淨土孕育嘅山海之珍，炮製出多道獨特菜式😋據我所知，呢啲珍貴食材係首度直送香港，例如氂牛、藏羊、三文魚(虹鱒)、藜麥、枸杞、冬蟲夏草等，再喺餐廳透過大廚以粵菜手法烹調！～ 當然要帶埋最愛嘅屋企人一齊試試佢！
今次嚟到中環既翠玉軒品嚐咗5道青海限定菜式 ，真係驚喜滿滿！🍽️
🍖掛爐蜜味藏羊排：肉嫩多汁，羶味輕，以粵式叉燒方法燒製，香甜惹味，一啖咬落去，滿口都係幸福感🥰
🥩🍜青海氂牛肉湯拉麵：湯底用牛骨同香料熬足時間，濃郁鮮甜，加少少辣椒紅油，香氣撲鼻，暖胃又暖心！青海拉拉又滑又有口感!
🐟避風塘青海三文魚扒：肉質細膩有嚼勁，以香港馳名嘅「避風塘」烹調法煎香，外脆內嫩，帶點微微辣勁，食落好過癮！
🥬🥓雞樅菌露筍炒氂牛柳：氂牛肉質有嚼勁，配搭鮮甜露筍同香氣獨特嘅雞樅菌，味道層次豐富！
🥯祁連黃菇氂牛肉酥餅：嚴選氂牛腿肉同「青海十寶」之一嘅祁連黃菇🍄🟫外皮酥脆，內餡鮮美，食完仲想encore！
快啲一齊嚟試下呀，品嚐呢場來自青海高原嘅美食盛宴，推廣期只去到31/1！🥳
