火箭餐廳

營業中

休息中

今日一早去排隊食最新套餐。$170鐵甲奇俠配辣薯條套餐再加$58購買無限寶石啫喱梳打汽水。個包係豬扒加新鮮菠蘿。紅色係Ironman主色。麥記都無豬扒包加菠蘿。相信只有火箭先有得食。豬扒肉質鮮新鮮好味，配搭新鮮菠蘿，入口清新，好開胃。個辣薯條只是微辣。配上頂級享氏茄汁，好味到飛起。好食過變形金剛快餐店個啲薯條。火箭出品薯條係新鮮出爐。銅記變形金剛個啲係炸好咗3個鐘放係熱爐保温。高低立見。個無限寶石汽水，記得要在取餐時攞埋木叉去食啫喱。啫喱跟足電影版，每粒寶石啫喱，一比一原大。色澤仿似無限寶石。食落好彈牙，每粒寶石啫喱，不同鮮果味。新奇又好味。個套餐名為鐵甲奇俠唔叫鋼鐵奇俠，相信漫威粉都明白另一位穿鐵甲係 War Machine。佢地兩位都係 Avengers。(以下是視頻，請點擊播放。)餐廳已裝修成為 Marvel Avengers 英雄聯盟餐廳。牆上掛畫及吊飾已由從前的星戰主題，改成漫威英雄。餐廳內外都播放漫威電影配樂。Marvel 粉絲萬勿錯過。紅日好旺場，建議家長最好在上午11時半排隊。天口熱，最好坐室內冷氣位。爆滿要坐出面。