螺螄町

營業中

休息中

平時係屋企煮包裝既螺螄粉就食得多，今日終於唔使自己煮啦。係旺角通菜街開左間正宗既柳州螺螄粉，一於同喜歡既朋友仔去試下先。招牌柳州螺螄湯粉+炸蛋湯底比起平時包裝既淡，而辣度亦無得揀，而臭味都唔算好出，可能係就番香港人既口味。腐竹都幾大塊，吸湯力勁。粉都好爽口，不會好軟。必點炸蛋，平時係屋企都唔會加炸蛋，因為整真係好費油同麻煩，但呢度加8蚊就可以試到，炸蛋炸到好大好酥，吸晒湯都唔算好油。椒麻小酥肉炸得好香脆，但椒麻味唔算好出，加上放螺螄湯嗦下湯汁，係另一種食法哦~