影片
更多
2022-01-25
291 瀏覽
成日覺得葵興站係工廈區好落後，原來宜家地鐵站有天橋連接商場，去 入素 吃飯勁方便！第一次去食見有枝竹素羊腩覺得勁吸引，套餐有湯有飯有熱茶都幾抵食喎。大鄉里好久沒去葵興站，原來有行人天橋連接新商場「活@KCC」，商場入面好多餐廳和咖啡店，約食飯好多選擇。搭升降機上八樓，一開門就見到入素，同層還有一間咖啡店和一間麵店。這間入素比石門店大好多，裝修走小清新路線，唔少角落都可以影下打卡相。座位都幾多喎，入面仲有向窗的單邊位。整個氣氛年輕又舒服，約下朋友食飯都ok。雖然都係樓景，不過望落夠開揚。午市套餐都頗多選擇，有飯有麵有漢堡，招牌係手工海南雞飯和吉列豬扒。現在都用手機 QR code 點餐快捷方便。新推出的有枝竹素羊腩餐，餐廳仲有自家製手工素肉可以買定擺雪櫃。枝竹素羊腩套餐 HK$88/配香菇素湯、白飯、熱烏龍茶 (奶素)上菜速度幾快唔需要等太耐，素羊腩份量十足，入面仲有生菜、馬蹄、冬菇和紅蘿蔔，個汁可以撈飯食。飯量可以揀少飯/少少飯，我揀左少少飯都好夠食，不過唔夠都可以添既。香菇素湯香濃好味，個烏龍茶都幾香喎。素蠔油娃娃菜 +HK$25想食多幾條菜就另外再加點，素蠔油可以自己淋落去唔驚太鹹
成日覺得葵興站係工廈區好落後，原來宜家地鐵站有天橋連接商場，去 入素 吃飯勁方便！第一次去食見有枝竹素羊腩覺得勁吸引，套餐有湯有飯有熱茶都幾抵食喎。
大鄉里好久沒去葵興站，原來有行人天橋連接新商場「活@KCC」，商場入面好多餐廳和咖啡店，約食飯好多選擇。
搭升降機上八樓，一開門就見到入素，同層還有一間咖啡店和一間麵店。
這間入素比石門店大好多，裝修走小清新路線，唔少角落都可以影下打卡相。
座位都幾多喎，入面仲有向窗的單邊位。
整個氣氛年輕又舒服，約下朋友食飯都ok。
雖然都係樓景，不過望落夠開揚。
午市套餐都頗多選擇，有飯有麵有漢堡，招牌係手工海南雞飯和吉列豬扒。現在都用手機 QR code 點餐快捷方便。
新推出的有枝竹素羊腩餐，餐廳仲有自家製手工素肉可以買定擺雪櫃。
枝竹素羊腩套餐 HK$88/配香菇素湯、白飯、熱烏龍茶 (奶素)
上菜速度幾快唔需要等太耐，素羊腩份量十足，入面仲有生菜、馬蹄、冬菇和紅蘿蔔，個汁可以撈飯食。飯量可以揀少飯/少少飯，我揀左少少飯都好夠食，不過唔夠都可以添既。香菇素湯香濃好味，個烏龍茶都幾香喎。
素蠔油娃娃菜 +HK$25
想食多幾條菜就另外再加點，素蠔油可以自己淋落去唔驚太鹹。。
老闆招待雪花糕，甜品配茶剛剛好。
雪花糕外面係滿滿雪白椰絲，中間係軟軟的抹茶糕，口味清清淡淡唔會膩。
葵青區的朋友記得mark低這間素食餐廳，咁多款野食可以慢慢逐款試。
張貼
