入素

KCC真的臥虎藏龍 !😍😍😍😍😍竟然內有一間很好吃的素食店 ~ 😌素食來說，❣️這家店真的可以令到肉類「以假亂真」?!這次和友人點了以下餐點 ~ 真的很推介 !入素拼盤 (純素) ✨ HK$72- 含有炸春卷，素樂雞，炸薯條，牛肉串燒，雞肉串燒炸春卷🫔絕對是整個拼盤最好吃的說~ 入面為牛蒡、沙葛絲，炸至金黃脆卜卜而不油，味道調味剛剛好~ 超好吃素樂雞🐔在扮麥樂雞~ 這個我覺得還好，不是不好吃! 但其他都實在實力太強~ 所以這個我個人覺得是普通好吃 !炸薯條🍟即叫即炸，而且也有蕃薯條配搭一下~ 好好吃! (熱氣東西萬歲! )牛肉串燒是素沙爹牛肉串🐮 ! 這個太瘋狂! 你100%不會想起你是在吃素! 我猜應該是烤麩? 但真的太像肉片了吧!雞肉🐔串燒這個真的超級好吃! 汁醬超級配合到這個「雞肉」!不過我個人認為這兩款串燒一來到要即時吃，因為這個放久了會有點硬! 口感就會差~ 所以一來到首先要即吃!素三文魚刺身🐟三片 HK$22- 應該是蒟蒻來的~ 但口感真的幾可亂真! 一點也不覺得是在吃素!太神奇了吧 真的如何做到這個很像真的效果~晚市套餐 - 手工海南雞飯🐔配黃薑飯, 香菇🍄‍🟫素湯, 苿莉綠茶(無糖) HK$88- 手工海南雞飯配黃薑飯，腐皮為雞肉，蒟蒻為雞皮，還可以有雞皮的透明感! 味道很好! 黃薑飯不過不失!但這個晚餐很大碟! 飯量很夠! 香菇素湯很清，調味剛剛好~ 不會過咸又沒味精 ! 超好配海南雞的素湯~茱莉綠茶(無糖)，飲品方面，店家採用走冰! 不會令到飲品過淡而沒有味道!晚市套餐 - 日式素豆腐扒🍜拉麵 配 沙律, 百香果綠茶(無糖) HK$82-日式素豆腐扒拉麵，外觀像豬扒，但實際是腐肉製成，味道不過不失，麵以蛋素麵為主! 湯頭很好!沙律為基本麻醬配製，不錯! 百香果綠茶(無糖)很香百香果的味道，好喝!❤️❤️❤️這家店真的推介! 大家一定要來試一下❤️❤️❤️📍入素葵涌葵昌路72-76號Life@KCC 8樓804號舖…查看更多

7-10-2025（Tue）中秋節翌日公眾假期晏晝，老公分別約咗人喺美孚同葵地鐵站交收，由於嘥咗好多時間，而我又有肚餓，原定去荃新天地二期試“一輪”都放棄lu，因為天氣又太熱同要行餐懵，咁喺葵興呢個飲食沙漠搵嘢食都有啲難度，但都search吓先，search到公眾假期仍開嘅呢間，由於呢兩個禮拜食得太多肉同甜嘢，要清減返喇，唔係身體就會響警號，要還，而我又記得喺沙田食過佢嘅素乳豬（食評係2024年6月19日提交嘅呢篇：https://www.openrice.com/zh/hongkong/review/yeah-%E5%94%AF%E4%B8%80%E5%98%85%E7%B4%A0%E9%A3%9F%E5%BA%97-e5525181），老公未食過呢間，於是走嚟。我哋嚟到時都有4組客，坐低睇完menu用QR code落單，但老公未追加晒嘢同有隻飲品喺menu冇嘅，就奇加咗入購物車，於是我哋唯有叫店員人手落單，佢都好樂意。我哋落完單，店員自動俾咗一碗冇油素湯嚟，呢個味道主要係唔太鹹冬菇味，有粟米粒同冬菇片。3分2. 餐中飲品熱檸檬百香果呢個暖暖地，味道唔太甜，飲到最後就飲到檸檬嘅酸。3分1. $88.00嘅燒汁海鮮炒麵配娃娃菜，要素蠔油一食炒麵，味道唔錯，素蝦同素魷魚口感彈牙，味道都有分別，老公大讚。而娃娃菜烚得正常冇問題。5分3. 叫餐加$22.00要桂花叉燒（小）呢個我都唔記得第一次喺沙田店有食過（食評係2022年3月5日提交嘅呢篇：https://www.openrice.com/zh/hongkong/review/%E7%AC%AC3388%E7%AF%87%E9%A3%9F%E8%A9%95-yeah-%E9%A3%9F%E5%80%8B%E7%B4%A0%E5%85%88-e4335596），係睇返menu至知，但嗰時食好似麻麻，今次嚟到見唔到有素乳豬，於是叫老公未食過嘅呢樣。嚟到睇，擺得唔整齊，食落，外面好脆，內裡鬆鬆地，似真實嘅半肥瘦叉燒咁，桂花味唔太濃，比上次我食時好，老公又大讚。5分5. $24.00嘅凍茉莉綠茶味道偏甘苦，茶嘅口感係嚡。2分4. $16.00嘅燒飯糰呢個好耐至到，我cut開一半後食，熱騰騰嘅，內裡有紫菜，鹹度適中，飯粒又唔乾同夠軟糯。5分環境：風格唔似沙田嗰間咁老土，而係cafe，闊落，冷氣又舒適。題外話：我哋去食時，張單印有憑發票14日內，15：00後惠顧，無論堂食或外賣，可享85折優惠（初一同十五除外）；唔知呢個優惠做到幾時。而沙田嗰間原來執咗。…查看更多

我friend介紹我試下葵涌人氣既素食餐廳「入素」，原來葵興地鐵站B出口一出就到KCC，經冷氣天橋行完全唔使行地面，唔驚日曬雨淋真係幾方便🥰下晝黎搵食，點咗幾款招牌同特色菜式，感覺好新鮮又飽到顛🍅關東煮+素三文魚+撈麵關東煮湯底唔會死甜，素獅子狗、素肉丸同埋魚卷等等爽彈有鮮味，三文魚刺身用蒟蒻整成，點埋芥末同豉油，口感軟熟有「鮮味」，入口真係幾可亂真，你話係齋我都唔信🤣再配上海拌麵配麻醬（仲有口水汁選擇），超滿足～🍅四喜烤麩依道就算普通上海菜館都未必好食，但「入素」整得好有驚喜，調味啱啱好，仲一啲都唔甜，入面有素烤麩、冬菇、胡蘿蔔等，烤麩食落軟硬適中，索晒汁好餸飯，最岩重口味既人🍅葡式乳豬飯上枱就見到金黃色甘黃飯，素「乳豬」口感真有驚喜，「皮」超脆！又唔油膩之餘，層次感又夠，完全唔覺係用腐皮整食🍅炸春卷入面包咗牛蒡、沙葛絲，好特別～細細件、炸到金黃脆口，唔油膩，好正🍅藥膳牛肉薑湯麵（配擔擔麵醬）熱辣辣一大碗，湯頭清香藥材味，色濃但唔會搶喉，令我諗起馬來西亞嘅肉骨茶或者台灣嘅十全大補湯，配菜有素肉、冬菇、娃娃菜等，啱晒秋冬飲暖胃❄️ 擔擔麵醬微辣惹味，拌麵一流🍅話梅涼瓜印象深刻！本身唔食苦瓜，最怕既苦澀味竟然消失晒；加埋清爽嘅話梅酸甜度適中，調味好精準，解膩refresh，夏天食簡直一流，令我對苦瓜印象全改觀😲🍅麻醬秋葵清爽秋葵加濃香芝麻醬，簡單又惹味🍅餐湯、飲品 🌽素餐湯暖笠笠又有甜味，冬菇配粟米自然鮮甜，齋湯都好有心思🌽熱茉香綠茶（無糖）超濃郁！茉莉花味好清香，食完炸物飲一啖，舒服又去油膩🌽百香果綠茶（涷）又係沖得好濃郁，果香十足，冰涼又爽口，夏天飲一流「入素」唔只做齋餐咁簡單，每款菜都好fusion又有新意，味道好而且層次豐富，份量有誠意，超飽！…查看更多

馳名海南雞飯的素食餐廳，現在只剩葵涌一間分店，記得多多支持。由葵涌地鐵站行天橋直達KCC，食素唔驚日曬雨淋，套餐價錢仲非常抵食。之前每次都叫海南雞飯，今次特登食下其他。新新地的葡式乳豬飯，個乳豬其實同海南雞一樣係腐皮卷，但係炸咗更香口。小食推介話梅苦瓜和桂花叉燒。這家適合帶初嘗試素食，或者想回味下港式風味的朋友。葵涌KCC商場其實都幾多餐廳選擇，想吃素的話首選8樓這間入素。我通常入商場搭升降機直接上8樓，一出就見到，都幾方便。素食餐廳以柔和綠色做主調，裝修都幾優雅，約朋友食飯都坐得幾舒服。靠窗位置就有一排睇風景自閉位，景觀都幾開揚。午市和下午茶都有套餐，價錢大眾化都幾抵食。桂花叉燒 HK$22 / 話梅涼瓜 HK$22每次來這間我都會叫桂花叉燒，有淡淡桂花香，外脆內軟超好食。敢食苦瓜就要食埋話梅苦瓜，酸甜甘香好開胃。葡式乳豬飯 HK$82 平時成日食海南雞飯，今次特登轉口味試下乳豬飯，乳豬其實都係用腐皮做，件件都炸得香脆，配埋個乳豬醬食就剛剛好。薑黃飯都夠惹味，整體有驚喜。喇沙牛肉湯麵配素蠔油娃娃菜 HK$82 香港唔多地方有素喇沙食，呢個湯底都幾香，但唔會過鹹，牛肉份量超多，好似食極都食唔完咁。無論食素唔食素，食多啲菜都係好事，間中試試新意思，約朋友食餐素體驗下啦。…查看更多

帶住檸茶去葵興Life@KCC 做評估，做完經過outlet買鞋，最後當然搵地方醫肚。我地去左8樓既「入素」，係一間以純素料理為主打既餐廳。我地嗌左兩個晚餐再外加拼盤及小食。🌈四喜烤麩配燒飯團及素丸湯四喜烤麩內裡軟糯，吸收了濃郁的醬汁，燒飯團外焦內軟，檸茶一個人已經食晒兩個，素丸湯清而不淡，湯底以蔬菜熬製，帶出自然的鮮甜，搭配Q彈的素丸。🌈手工海南雞飯配黃薑飯、香菇素湯（純素）呢款純素版既海南雞飯，「雞肉」系用腐皮整，真係幾可亂真。🌈素三文魚刺身（三片）外觀同真三文魚刺身真係幾似，雖然味道同真魚略有不同，但其創意與用心令人讚賞，適合喜愛新奇體驗既食客。🌈入素拼盤（純素）入素拼盤可以一次過品嚐多款小食既絕佳選擇。炸春卷外皮酥脆，內餡以新鮮蔬菜為主。素樂雞外層香脆，內裡多汁。牛肉串燒與雞肉串燒利用植物蛋白模仿肉類既質感同埋味道，令人難以相信係純素料理。📌入素 (葵涌)📍香港葵涌葵昌路72-76號Life@KCC 8樓804號舖#素食 #香港素食 #香港素食餐廳 #vegetarianhk #香港美食 #葵興探店 #香港旅游攻略 #香港 #香港生活 #小红书爆款美食 #我的美食日记 #美食日常 #美食探店 #香港打卡#探店 #打卡 #香港美食推荐  #kol #親子日常  #萌娃 #親子 #全職媽媽 #育兒日記 #寶寶日記 #成長記錄 #凍檸茶…查看更多