影片
更多
2010-02-10
240 瀏覽
法國餅廚新鮮做的甜品果然有水準, 下次要再試下其他味道的近日甜品界有兩大新貴- K11的Paul Lafayat同九龍城的Patisserie Tony Wong , 兩者的風頭一時無兩, 經過尖沙咀, 先試下 米芝蓮三星的法國餅廚的手勢先... 星期六下午3點多去到, 有成十幾二十人排隊, 堂食當然無位啦, 等左成十分鐘, 終於到我地啦, 我選擇左朱古力macaron, Creme brulee, 同Mille-feuilles, 不過可能太多人等候, 女店員並無好似其他食友所講的主動詳細介紹各種甜品, 服務亦只係平平 朱古力macaron($15): 法式小圓餅因人手新鮮製造, 所以size唔係個個一樣, 雖然個子小小的, 但朱古力的餡裝滿了, 好吸引的, 朱古力用上法國品牌Valrhona, 去味道偏醇同濃郁, 配上用杏仁, 蛋白同糖打碎造成的外皮, 咬下去微脆而且厚薄適中, 和朱古力餡配合後水準甚高 Creme brulee法式焦糖燉蛋($30): 付錢後即席用火槍燒一燒表面的糖才奉客, 食落去蛋香同奶香十足, 而且十分香滑, 唔會太甜, 見識淺薄的我卻常以為法式焦糖燉蛋會落忌
星期六下午3點多去到, 有成十幾二十人排隊, 堂食當然無位啦, 等左成十分鐘, 終於到我地啦, 我選擇左朱古力macaron, Creme brulee, 同Mille-feuilles, 不過可能太多人等候, 女店員並無好似其他食友所講的主動詳細介紹各種甜品, 服務亦只係平平
朱古力macaron($15): 法式小圓餅因人手新鮮製造, 所以size唔係個個一樣, 雖然個子小小的, 但朱古力的餡裝滿了, 好吸引的, 朱古力用上法國品牌Valrhona, 去味道偏醇同濃郁, 配上用杏仁, 蛋白同糖打碎造成的外皮, 咬下去微脆而且厚薄適中, 和朱古力餡配合後水準甚高
Creme brulee法式焦糖燉蛋($30): 付錢後即席用火槍燒一燒表面的糖才奉客, 食落去蛋香同奶香十足, 而且十分香滑, 唔會太甜, 見識淺薄的我卻常以為法式焦糖燉蛋會落忌廉的, 原來見之前食評話係佢地係無落的, 但蛋漿卻打得滑溜, 食到底先見到雲呢拿籽, 唔掛得咁香啦...食完個燉杯都送埋比你
Mille-feuilles法式拿破崙千層酥($35): 千層酥的皮因為搽左ｄ黃糖先焗, 所以烘出來的皮特別深色, 而且帶有甜味, 比坊間的出色, 咬落去唔算好脆但卻鬆化, 吉士打得細滑,唔甜 , 而且應該打的時候加入雲呢拿籽, 增加了香味的層次感
法國餅廚新鮮做的甜品果然有水準, 下次要再試下其他味道的法式小圓餅!!
張貼
