忠記粥品 (機利文新街)

營業中

休息中

小妹最近慳妹上身，係公司附近周圍捐揾平靚正lunch食，行到黎呢條街，成條街都係茶記，食肆，咖啡店。行到街口見到間裝潢好傳統既粥店，唔想食得咁heavy, 就清清地食碗粥做午餐啦😃叫左一碗豬紅粥，一個炸兩，三十幾蚊。一個女仔黎講係好夠飽。呢間粥檔既粥底好綿，食到最後先有少少出水，豬紅重好多我食唔哂，返而想佢俾多啲粥🤣炸兩係新鮮即做，外軟內脆。最鍾意就係加大量既甜醬，麻醬同辣醬，卷係外面既腸粉質地唔算好滑，不過好有米漿米，成件事就係一種好傳統好香港既味道，同食連所粥麵店真係兩回事。 再食埋個環境氣氛同人情味，係香港地真係買少見少，真係好難得再揾到。希望呢啲傳統老店可以一直傳承落去，等我老左都重食到呢啲回憶既味道。