影片
更多
2021-05-31
14 瀏覽
之前經過呢間蛋糕店以為係古早味蛋糕，但店員介紹佢哋唔係一般台灣古早味，而係賣香港特色蛋糕。蛋糕共有4種口味，分別係原味鮮奶、紅豆夾心、棗蓉及無花果。其中棗蓉及無花果口味幾特別，我喺其他蛋糕店都未見過，值得同大家分享一下！(●’◡’●)ﾉ.店內有得試食蛋糕，一盒可以揀2種口味，本來想試齊4種口味，但係紅豆夾心已經賣晒，最後買咗3種口味。.原味鮮奶🍼+無花果蛋糕 $70🌺原味鮮奶蛋糕有香濃牛奶和蛋香味，口感鬆軟濕潤亦好有彈性。無花果蛋糕每一啖都食到粒粒果籽，而且入面仲有啲無花果肉，味道清香。.棗蓉蛋糕$75❤️蛋糕入面有好多棗蓉，棗味突出，佢比無花果甜少少，但嗰種甜係紅棗特有嘅香甜味，唔會死甜。.總括而言：呢間蛋糕真材實料，感覺天然健康，唔會太甜可以食到食材本身嘅味道。佢同一般古早味蛋糕唔同，即使雪左一晚，唔使叮熱食仍然好鬆軟。估唔到棗蓉和無花果咁適合做蛋糕，假如喺外邊吃厭常見嘅蛋糕口味，可以一試。
.
店內有得試食蛋糕，一盒可以揀2種口味，本來想試齊4種口味，但係紅豆夾心已經賣晒，最後買咗3種口味。
.
原味鮮奶🍼+無花果蛋糕 $70🌺
原味鮮奶蛋糕有香濃牛奶和蛋香味，口感鬆軟濕潤亦好有彈性。
無花果蛋糕每一啖都食到粒粒果籽，而且入面仲有啲無花果肉，味道清香。
.
棗蓉蛋糕$75❤️
蛋糕入面有好多棗蓉，棗味突出，佢比無花果甜少少，但嗰種甜係紅棗特有嘅香甜味，唔會死甜。
.
總括而言：呢間蛋糕真材實料，感覺天然健康，唔會太甜可以食到食材本身嘅味道。佢同一般古早味蛋糕唔同，即使雪左一晚，唔使叮熱食仍然好鬆軟。估唔到棗蓉和無花果咁適合做蛋糕，假如喺外邊吃厭常見嘅蛋糕口味，可以一試。
張貼
