宴．鐡板燒 (亨環‧天后)

營業中

休息中

天后有啲咩好食推介？今日就同大家分享一間可以望到香港同九龍夜景嘅鐵板燒餐廳——宴！✨ 呢度除咗景靚，仲可以即席欣賞師傅煮俾你食，真係視覺同味覺嘅雙重享受呀！餐廳主打特選和牛套餐，每一道都係精心炮製！頭盤有季節刺身，包括真鯛、油甘魚、大池魚，魚生質感鮮甜，仲有金鎗魚腩手卷！紫蘇葉同炸蒜片配吞拿魚蓉，層次感豐富得嚟唔會喧賓奪主。喜歡海鮮嘅朋友，必試南非鮑魚配自家製醬汁，同埋野生生猛龍蝦，師傅即席處理，睇住都覺得新鮮，入口肉質彈牙！仲有香滑嘅海鮮茶碗蒸同暖胃嘅季節吸物魚湯，真係啖啖滋味。主菜就更加冇得輸！日本宮崎和牛 或 西班牙黑毛豬，和牛口感嫩滑, 黑毛豬有濃既肉味. 香煎鵝肝亦係亮點，紅酒同黑醋嘅酸甜完美平衡。配埋煙肉香蒜炒飯同炒什菜，炒飯粒粒分明，什菜既日式XO醬仲帶有芝麻香氣，超級加分！最後甜品係抹茶奶凍，香濃又唔會太甜，正正好為一餐畫上完美句號！🍵睇得又食得嘅體驗，真係值得一試！🫶🏻