影片
更多
2022-10-04
4212 瀏覽
📌 阿甘蝦餐廳 - 山頂山頂道128號凌霄閣3層304-305號舖🗓(3/10) 星期一 ⏰ 下午1點左右 💈特式：放大假，見山頂纜車又開返，就上去山頂行個圈，之前都食過呢間阿甘蝦，貪佢坐得舒服，環境又靚又有落地玻璃可以睇到香港景色，價錢又唔算貴，所以今次都再嚟食佢。🥩🍔🌭🌮🥗🥯🥘🍲🍝🍣🥟🍤🍱食物：因為呢間餐廳主力係食蝦同炸魚/薯條之類嘅食物，所以今次就叫左個阿「甘」海鮮薈同鮮蝦芒果沙律，等我同大家講下味道先......阿「甘」海鮮薈 - 呢個海鮮薈入面有5~6隻炸蝦/2隻好長嘅炸魚/5~6粒炸海鮮丸同一大堆薯條，另外仲會配上3款唔同醬料同一杯仔沙律菜。份量真係好大，價錢就$199，佢所有炸野都唔會好油，炸蝦好脆又大隻；炸魚都好食。入面唔乾身；反而炸海鮮丸就相對失色左少少。鮮蝦芒果沙律 - 呢個沙律我覺得真係好抵食，份量好大，都只係賣你$155，普通西餐廳都可能唔止呢個價，何況仲要係山頂，佢個沙律菜好新鮮，個沙律汁好好味，上面d炸脆脆撈埋d沙律菜/芒果條食真係好夾，入面仲有8~9隻炭燒過嘅大蝦，呢個真心推介。☕️🍵🥤🧋🍺🍷🥃🍹🧉🍾🍶🥛飲品 - 飲品種類真係花多眼亂，有
🗓(3/10) 星期一 ⏰ 下午1點左右
💈特式：放大假，見山頂纜車又開返，就上去山頂行個圈，之前都食過呢間阿甘蝦，貪佢坐得舒服，環境又靚又有落地玻璃可以睇到香港景色，價錢又唔算貴，所以今次都再嚟食佢。
🥩🍔🌭🌮🥗🥯🥘🍲🍝🍣🥟🍤🍱
食物：因為呢間餐廳主力係食蝦同炸魚/薯條之類嘅食物，所以今次就叫左個阿「甘」海鮮薈同鮮蝦芒果沙律，等我同大家講下味道先......
阿「甘」海鮮薈 - 呢個海鮮薈入面有5~6隻炸蝦/2隻好長嘅炸魚/5~6粒炸海鮮丸同一大堆薯條，另外仲會配上3款唔同醬料同一杯仔沙律菜。份量真係好大，價錢就$199，佢所有炸野都唔會好油，炸蝦好脆又大隻；炸魚都好食。入面唔乾身；反而炸海鮮丸就相對失色左少少。
鮮蝦芒果沙律 - 呢個沙律我覺得真係好抵食，份量好大，都只係賣你$155，普通西餐廳都可能唔止呢個價，何況仲要係山頂，佢個沙律菜好新鮮，個沙律汁好好味，上面d炸脆脆撈埋d沙律菜/芒果條食真係好夾，入面仲有8~9隻炭燒過嘅大蝦，呢個真心推介。
☕️🍵🥤🧋🍺🍷🥃🍹🧉🍾🍶🥛
飲品 - 飲品種類真係花多眼亂，有無酒精的都好多選擇，不過價錢就唔算平，但值得提議嘅係佢有大部分飲品，你叫完會送埋隻杯比你做紀念品攞走，咁計埋就唔算好貴。
🍽環境：餐廳環境真係一流，佢大部分坐位都望到靚景，室內佈置又好有特式，睇住個香港靚景食飯真係咩都抵返，我真係好x鐘意香港。
🤵🏻🤵🏻♀️🤵🏻♂️服務：職員服務非常好，大多數服務員都係外藉人士，但都有個別一兩個係香港人，所以就算唔識英文落單都唔會有問題。
💰💸價錢：叫左個兩人兩個食品就大約$350，加埋一杯有酒精同一杯無酒精飲品埋單就接近$580，我覺得係山頂食完全屬於合理範圍。
🐲💬總結：去得景點地方，d餐廳又貴又唔好食就常見，但呢間我覺得價錢合理，環境一流，食物質素又中上，所以都值得推介。
推薦指數：❤️❤️❤️❤️❤️
阿「甘」海鮮薈
$199
162 瀏覽
0 讚好
0 留言
鮮蝦芒果沙律
$155
140 瀏覽
0 讚好
0 留言
張貼
