很得輝 (金滿閣)

營業中

休息中

店小小但做到出色食物就得！事先聲明本人唔算係炸髀愛好者，但另一半好鍾意，我就負責食兩啖。聽人講呢間小店區內好出名就去一試，間舖12點開門，今日做佢第一個客仔。因為晏d仲要食lunch , 就只單點左一隻炸髀。因為係即炸，當然要等，等左都有15-20 分鐘，但好野就係要等，一到手隻雞髀熱到食唔到，要抖五分鐘到先食得。皮超級脆！雞又唔會乾，仲好juicy! 好難得！加上個味調得幾好，又唔會太咸。佢放門口有好多唔同辣粉比客人自行落，我就落左香草辣，已經係最bb辣，相信又鍾意辣又鍾意炸髀既人一定鍾意！