蟹膳

營業中

休息中

食物質素、整體服務、環境都一流嘅餐廳。今次叫咗「季 Ki」呢個dinner set, total 10道菜。前菜冇咩特別，但勝在夠開胃😎由刺食開始食起，雪場蟹好清好鮮味，配搭埋creamy嘅海膽同香氣滿滿嘅魚子醬，又係另一種味感享受。食完咗刺身，職員就準備蒸蟹🦀蒸蟹同時就上咗茶碗蒸，蛋入面加蟹肉一齊蒸，啖淡蛋都充滿蟹香！食完茶碗蒸，啲蟹都蒸好。蒸嘅時間岩岩好，保留到蟹最鮮嫩嘅口感同肉汁。用蒸呢種煮法可以好明顯咁食到兩款蟹嘅味道同口感嘅分別。鱈場蟹腳就用咗燒嘅烹調方法，香氣十足!!! 主要食鱈場蟹充滿彈性嘅口感。日式料理點少得天婦羅😋炸漿唔厚，岩岩好包裹住蟹肉，亦都唔會太油。蟹羹可以話係足料，調味唔會鹹cover咗啲蟹嘅鮮味。凍毛蟹，蟹生拆曬肉而且冇殼碎。蟹腳都開咗一邊殼，一來好present得好睇，二來食落都好方便。整體都食到蟹嘅鮮甜😋😋甜品前就係蟹肉蒸飯，蟹肉好多啖啖飯都食到蟹肉。