一樂小鍋 (已結業)

今日嚟到石門，見到呢個商場原來有好多食肆，各式其適，可惜因為工作嘅關係所以只可以有比較少嘅時間食午餐, 於是揀咗一個香港人最鍾意嘅地道食品車仔麵，首先想講下呢度好環保, 平時車仔麵多數攞一張紙畫, 但係呢度係用一張過咗膠嘅餐牌, 然後喺上邊揀食物, 之後, 就可以抹左佢再重用, 真係好鍾意呢一個咁環保方式👍🏼👍🏼👍🏼我哋揀左兩個唔同嘅車仔麵 share，咁樣就可以試多啲唔同嘅餸啦🥰🥰，首先揀咗淮山麵，佢仲可以配唔同嘅汁, 我揀咗秘製辣汁中辣，呢個辣汁幾好味又香，另外餸就揀左雞中翼、豬大腸，呢兩樣都鹵得好入味，仲有就係店員推介新加嘅香煎札肉卷，我覺得呢個煎得好香口，好好味，好啱配車仔麵😋😋另一款揀咗米線，配五香腩汁，腩汁非常香濃，令個湯底更好味，另外仲有秘製金錢肚，好腍好入味，令一款就係咖喱玻璃魷，呢款餸係另上㗎，因為唔想過㗎呢啲執冇咗，因為個咖喱汁真係煮得非常好香，玻璃魷爽口，必食🥳🥳