影片
更多
2022-05-17
229 瀏覽
香港人鍾意試新嘢，同埋排隊🤪我當然都唔例外，瘋癲程度。。三日去咗兩次第二次去咗牛頭角分店 (因為知道旺角真係唔夠人排）知佢12:00開門，我11:45去到，已經見到有幾多人排隊…數一數前邊有16個，每日雪糕拉麵20碗，就算個個都叫，友人都仲有得食😝牛頭角明顯比荃灣間鋪細好多，好彩都唔係等咗好耐，環境係比較迫夾咗少少，姐姐服務係爭咗少少 （因為俾咗我個面隔籬枱）但係都不減我對呢碗麵嘅熱誠😂雖然雪糕拉麵真係好啱我口味，不過今次我想食沾麵～友人叫咗雪糕拉麵：花生雪糕同個湯底好夾，趁佢未溶飲一啖湯，辛辣程度都幾高，之後夾咗一口雪糕，好香花生味～等佢慢慢溶化之後…甜味減輕咗辣味，令到個湯底更加有層次感，出色！另外值得極度推介就係佢嘅叉燒，油花分布平均，入口溶化，非常甘香！仲有佢嘅面底，屬於粗面嘅一種，好有咬口，個人選擇標準煙韌度，好啱口味！我今次試魚介豚骨沾麵佢個煎面湯底係比較鹹，好濃郁，又帶咗啲魚香，個面好做到掛湯嘅效果，個豚肉比起荃灣更加有燒香嘅味道，油香入口即溶，真係冇得輸😋總括嚟講，佢可能係我食過喺香港最好食嘅拉麵，好快我會再嚟😂
我當然都唔例外，瘋癲程度。。三日去咗兩次
第二次去咗牛頭角分店 (因為知道旺角真係唔夠人排）
知佢12:00開門，我11:45去到，已經見到有幾多人排隊…
數一數前邊有16個，每日雪糕拉麵20碗，就算個個都叫，友人都仲有得食😝
牛頭角明顯比荃灣間鋪細好多，好彩都唔係等咗好耐，環境係比較迫夾咗少少，姐姐服務係爭咗少少 （因為俾咗我個面隔籬枱）但係都不減我對呢碗麵嘅熱誠😂
雖然雪糕拉麵真係好啱我口味，不過今次我想食沾麵～
友人叫咗雪糕拉麵：
花生雪糕同個湯底好夾，趁佢未溶飲一啖湯，辛辣程度都幾高，之後夾咗一口雪糕，好香花生味～等佢慢慢溶化之後…甜味減輕咗辣味，令到個湯底更加有層次感，出色！
另外值得極度推介就係佢嘅叉燒，油花分布平均，入口溶化，非常甘香！
仲有佢嘅面底，屬於粗面嘅一種，好有咬口，個人選擇標準煙韌度，好啱口味！
我今次試魚介豚骨沾麵
佢個煎面湯底係比較鹹，好濃郁，又帶咗啲魚香，個面好做到掛湯嘅效果，個豚肉比起荃灣更加有燒香嘅味道，油香入口即溶，真係冇得輸😋
總括嚟講，佢可能係我食過喺香港最好食嘅拉麵，好快我會再嚟😂
張貼
