華星冰室 (克街)

營業中

休息中

今日黎到灣仔工作，去左克街既華星冰室度食午餐。華星冰室可算係香港人既茶餐廳，充滿左好多香港人既點滴同回憶，連有啲食品既名稱都用了香港明星來命名，例如校長多士，森美雞批，梁文寶寶等。我就叫左個常餐(HKD42) ，內有叉燒通粉， 火腿炒蛋 同埋牛油多士。 叉燒半肥瘦，通粉加埋啲胡椒粉一齊食，一個字正，不過如果分量再多啲啲就好嗱。 火腿就大大塊，我就同埋厚切牛油多士一齊食。 炒蛋就非常嫩滑，我亦都將部分既雞蛋放埋係多士一齊食。餐飲我就叫左熱華田，味道不過不失。