夜貓。燒

營業中

休息中

本身想黎試下好多人講嘅煲仔飯，點知無開門，咁沿路搵下有咩好食啦。見有間串燒店叫夜貓燒，聞到好香又咁多車手等外賣，應該係好野黎，一於試下佢😋店內用qr code落單，即叫即燒製作需時，而且店員會因應枱面狀況出單，唔怕堆到一枱係👍⭐厚切牛舌心串第一串上枱，個陣孜然同辣椒味勁香，牛舌厚身有咬口，正👍⭐豬大腸串 & ⭐鹽燒三文魚鰭 & ⭐土豆串大腸肥美入口好甘香，三文魚又香又滑魚油十足，土豆香香脆脆充滿調料，重口味之選🤤⭐麻辣花甲粉花甲好鮮甜，湯底少麻少辣啱口味，好食到湯都飲晒。⭐麻辣燙朋友叫左碗麻辣燙，揀左肥牛、腩肉片、花枝滑、魚皮餃配刀削麵，一大碗勁多餸，湯底同花甲粉味似，麵條有嚼勁，比唔少麵舖好食同更抵食。⭐焦糖菠蘿甜甜地又厚切，正！⭐脆蓉茄子串燒店必叫燒茄子，太正了！茄子肉軟綿綿，勁多蒜，生蒜同炸蒜！！又香又好食，等得耐都值得。⭐五花腩肉串壓軸登場係五花腩，油脂最多部位燒出嚟梗係正啦，又香又脆無得彈🤤⭐飲品有汽水、啤酒等，但今晚唔係好想飲甜，點左兩枝茶，食左咁多重口味野正好清清口腔😆真好食！唔怪得咁多人。