影片
更多
2020-07-09
716 瀏覽
最近慶祝生日成日都出街食飯，今日去了荔枝角意大利餐廳食飯，此店喺灣仔已經好出名，呢間係九龍區嘅分店，工廠區來說都是少有正宗的意大利菜。Lunch十分抵食，有麵包，前菜，意粉再加飲品或甜品，價錢都係$158，性價比甚高。今日午餐前菜有菠菜沙津（車厘茄，杏片，黑醋及芝士），火腿冷盤及三文魚 ，個人覺得三文魚配了鮮橙,茴香及capers 最好味，又正宗，熏三文魚份量又夠多，沒有將貨就價。主菜叫咗佢哋出名的黑松露細扁麵-另加$28，此店啲意粉全部是自家製作，用上高級麵粉及蛋，意粉又彈牙，灑上大量鮮刨黑松露片，熱力慢慢逼出黑松露的香氣，隔離枱都聞得到，意粉中間再加上黑松露醬，味道層次更豐富，松露味更立體。另外點了番茄醬煮意大利雲吞，雲吞中間有水牛芝士，番茄醬味道自然，蕃茄的甜酸度都好平衡，食得出冇加大量鹽糖或茄膏去提味，食得出是正宗意大利風味，檸檬皮黑橄欖跟雲吞中的水牛芝士十分配合。同事點了番茄肉碎寛帶麵，但口感有啲硬，面沒有掛汁，番茄醬不夠多，變得酸味過重。飲品可以揀咖啡奶茶Cappuccino，甜品有Tiramisu 同Panna cotta。此店沒有訂位服務，一定要早啲去排隊，同埋要等人齊
Lunch十分抵食，有麵包，前菜，意粉再加飲品或甜品，價錢都係$158，性價比甚高。
今日午餐前菜有菠菜沙津（車厘茄，杏片，黑醋及芝士），火腿冷盤及三文魚 ，個人覺得三文魚配了鮮橙,茴香及capers 最好味，又正宗，熏三文魚份量又夠多，沒有將貨就價。
主菜叫咗佢哋出名的黑松露細扁麵-另加$28，此店啲意粉全部是自家製作，用上高級麵粉及蛋，意粉又彈牙，灑上大量鮮刨黑松露片，熱力慢慢逼出黑松露的香氣，隔離枱都聞得到，意粉中間再加上黑松露醬，味道層次更豐富，松露味更立體。
另外點了番茄醬煮意大利雲吞，雲吞中間有水牛芝士，番茄醬味道自然，蕃茄的甜酸度都好平衡，食得出冇加大量鹽糖或茄膏去提味，食得出是正宗意大利風味，檸檬皮黑橄欖跟雲吞中的水牛芝士十分配合。
同事點了番茄肉碎寛帶麵，但口感有啲硬，面沒有掛汁，番茄醬不夠多，變得酸味過重。
飲品可以揀咖啡奶茶Cappuccino，甜品有Tiramisu 同Panna cotta。此店沒有訂位服務，一定要早啲去排隊，同埋要等人齊才可入座，服務員不算多，都是英文的服務員，服務算OK細心。值得一題此店沒有加一服務費，所以貼士都是因服務隨心去俾。
另外此店還有一個特別服務，那個月有生日的朋友，你可以跟服務員交代一聲，他會在結尾的甜品上加上生日的名字及蠟燭，而且服務員還會給你拍一張即影即有照片及手寫祝福字句給你，非常窩心，還會送會上一張$100的coupon 給你下次使用，西式餐廳少有的服務，值得一讚。
當然晚上價錢會比較貴，但覺得都是物有所值，雅致的裝修加上輕快的音樂，氣氛十分熱鬧，有地道意大利特色！
張貼
