大鍋口海鮮火鍋店

營業中

休息中

好耐都無食大窩口任食兩小時火鍋雞煲放題，材料同質素仍然維持。佐敦店整體面積幾大，早啲六點半嚟都有位。飲品選擇以罐裝飲品為主，亦有唔少茶類同汽水選擇。湯底係川芎夭麻魚頭湯湯底，一大個大頭魚魚頭同配菜作為湯底。味道唔會過於濃郁，魚味好香，清清地，融入火鍋食材，互相出味，啱哂我地口味清淡又食湯底人士。火鍋會送一份薄切牛肉，賣相唔錯。牛肉味較突出 大小、口感適中 一整碟亦好足夠。另外滑牛肉亦好嫩滑，口感有彈性，有咬口得嚟又唔會太韌。墨魚同蝦滑亦彈牙，唔會好淋同有腥味。自家製韮菜餃嘅外皮順滑，內餡軟熟。麻辣鴨血麻辣味好香好惹味，口感爽口，味道一流。最後整返杯雲尼拿軟雪糕，toppings只有四種選擇 選擇唔算豐富，不過就過下口癮。