Hungry Monkey (金朝陽中心二期 - Midtown) (已結業)

今日收工約左朋友見面farewell，因為佢就快去英國啦！farewell飯當然揀左佢最愛既日本菜啦，今晚去左日式居酒屋食飯。8:00到餐廳人山人海，非常熱鬧！我地叫左幾款食物開心下！先來一客頭盤，燒日本白粟米，粟米非常甜美清香，白粟米味道比一般粟米甜度更高。生蠔肥美味道香濃，入口非常新鮮。前菜叫左清酒煮蜆，蜆肉無沙大大隻，清甜而且味道濃厚。之後黎左一碟泡菜炒豬肉，泡菜微辣味道好惹味，豬肉香嫩唔會太乾身。主食叫左兩款，一款比較特別，叫左日本章魚御好燒，類似日本大阪燒，粉漿調得剛好，唔會太厚實，加入大量蔬菜，章魚彈牙！A5和牛脂炒飯深得友人喜愛，牛肉味道濃香，飯粒乾身充滿牛肉香味。甜品叫左兩件蛋卷，過一過口癮！