犇道 Chef Ben- Cafe & Steak Bar (弦海) (已結業)

今次已經係第3-4 次黎呢間餐廳食飯，覺得食物同餐廳環境唔錯，所以會選擇再黎食晚餐。叫左兩兩個主菜：鵝油墨魚汁意粉同是日廚師發辦牛扒🤓 意粉調味同質感都恰當，不過食耐左會有少少油膩感。另外個牛扒肉質(medium rare)幾淋身，好易入口。不過，今晚用餐體驗係食過咁多次以黎最差既一次！🥹 其實用電話落單有陣時係會禁漏左單，我之後叫一名女待應幫忙再upgrade 個單點套餐。待應聽緊我落單既時候已經非常冷淡，當我詢問是日餐飲有咩款式，語氣極之惡劣，不過我當時叫完冇再出聲。之後兩個主菜黎齊，食到一半，前菜同野飲都未黎，所以叫待應幫手check下張單，點解個女待應冇落到張單。我當場勁嬲 涉事待應仲冇主動講唔好意思 反而其他同事主動行過黎講sorry… 其實身為客人、待應應該彼此尊重，唔係話客人係大哂，但係連基本待客態度都冇既，不如唔好做服務性行業。最後，建議餐廳好好諗下請咩員工，一間餐廳唔係只用食物留住顧客，好既餐飲服務先會令客人一來再來。