影片
更多
2025-02-07
340 瀏覽
唔可以俾害群之馬危害香港飲食業！今日星期五。見凍凍地，六點半五個人一齊食羊腩煲。上網睇呢間鋪啲煲主打任食。重點係強調無限時！坐低左之後拎野飲。都係放題果啲無特別。然後一個似係經理嘅男人同我地講，用膳時間係六點半到八點半。果下我同朋友講，唔係無限時咩？朋友都打咗個突。諗住食兩個鐘算數....跟住我哋同行五個人，兩張枱有兩個電磁爐，正常都會俾我哋用兩個爐，嚟咗一個羊腩煲之後，一位侍應姐姐同我哋講：你哋要唔要每人加$10開埋另一個爐？我地嗰下聽到真係呆咗我哋五個人每人$400買張單$2000，開多個爐每個人要加$10，唔係呀？如果你話每人要加$10先有多個爐，咁點解你唔安排一張個爐喺中間嘅枱，你咁樣即係擺明屈我啫，如果係咁多Hidden charge，就唔好學人講話無限時任食，咁樣好肉酸囉。我地最後係有每人加$10，因為剩係得一邊有爐，另外一邊嘅人係完全夾唔到嘢。食物嘅味道其實正常，但係加$10開多個爐同埋餐牌寫無限時，但係無啦啦變到得兩個鐘。我同成班朋友都話冇下次。如果真係要收費，應該清清楚楚寫到明喺餐牌度，每人加$10開多個爐我真係以為自己去咗BBQ...................
今日星期五。見凍凍地，六點半五個人一齊食羊腩煲。
上網睇呢間鋪啲煲主打任食。
重點係強調無限時！
坐低左之後拎野飲。都係放題果啲無特別。
然後一個似係經理嘅男人同我地講，用膳時間係六點半到八點半。果下我同朋友講，唔係無限時咩？朋友都打咗個突。諗住食兩個鐘算數....
跟住我哋同行五個人，兩張枱有兩個電磁爐，正常都會俾我哋用兩個爐，嚟咗一個羊腩煲之後，一位侍應姐姐同我哋講：你哋要唔要每人加$10開埋另一個爐？
我地嗰下聽到真係呆咗
我哋五個人每人$400買張單$2000，開多個爐每個人要加$10，唔係呀？
如果你話每人要加$10先有多個爐，咁點解你唔安排一張個爐喺中間嘅枱，你咁樣即係擺明屈我啫，如果係咁多Hidden charge，就唔好學人講話無限時任食，咁樣好肉酸囉。
我地最後係有每人加$10，因為剩係得一邊有爐，另外一邊嘅人係完全夾唔到嘢。
食物嘅味道其實正常，但係加$10開多個爐同埋餐牌寫無限時，但係無啦啦變到得兩個鐘。
我同成班朋友都話冇下次。
如果真係要收費，應該清清楚楚寫到明喺餐牌度，每人加$10開多個爐我真係以為自己去咗BBQ.....................
無下次！
右上角寫無限時。係假的
3 瀏覽
0 讚好
0 留言
張貼
