影片
更多
2010-03-26
36 瀏覽
星期三晚約左3個好朋友一齊聚一聚, 選擇星期三係覺得餐廳應該唔會太full, 唔駛排隊等太耐, 但為免麻煩, 已兩日前打電話去訂檯, 想選擇窗口位睇夜景啦, 點知要窗口位係要一個星期前打去訂, 咁都冇所謂....最重要係有位,唔駛等,同d朋友食得開心jie~點知成晚完全感覺唔到有任何優質既服務質素, 食到成肚火...原因如下:1. 我地8點準時到餐廳, 負責訂位的朋友姓鄭, 但卻被餐廳職員誤叫謝小姐. (在任何行業上, 講岩客人既姓/名係好重要架!)2. 唔知係咪由於佢叫錯朋友既姓, 所以帶錯位...明明4個人入去, 俾左張8人台, 坐定定睇menu既時候, 佢地先發現有錯要求我地轉檯...3. 轉檯後落order都冇問題, 但我地之後決定加單飲可以refill 既檸檬茶, 點知叫極都冇人落單4. 上菜完全冇次序, 我地點左1個salad, 1個pasta, 1 個pizza...但salad竟然可以最後先上...真係唔該哂 =_=" (其實食物既味道真係唔錯, 算係有水準的)5. 食飽之後佢拎左個dessert menu黎...我地本來有心想叫, 但因為太飽所以想坐多陣休息下先叫..
點知成晚完全感覺唔到有任何優質既服務質素, 食到成肚火...原因如下:
1. 我地8點準時到餐廳, 負責訂位的朋友姓鄭, 但卻被餐廳職員誤叫謝小姐. (在任何行業上, 講岩客人既姓/名係好重要架!)
2. 唔知係咪由於佢叫錯朋友既姓, 所以帶錯位...明明4個人入去, 俾左張8人台, 坐定定睇menu既時候, 佢地先發現有錯要求我地轉檯...
3. 轉檯後落order都冇問題, 但我地之後決定加單飲可以refill 既檸檬茶, 點知叫極都冇人落單
4. 上菜完全冇次序, 我地點左1個salad, 1個pasta, 1 個pizza...但salad竟然可以最後先上...真係唔該哂 =_=" (其實食物既味道真係唔錯, 算係有水準的)
5. 食飽之後佢拎左個dessert menu黎...我地本來有心想叫, 但因為太飽所以想坐多陣休息下先叫...點知佢隔一陣就問我地要唔要, 好似好趕咁...最後我地都決定唔要
6. 我地完全冇叫過埋單既情況下, 有個非常冇禮貌既職員走埋黎掉底張單聲都唔聲就走左...(咩事呀大佬? 而家唔食甜品要迫我走呀? 果陣9點半左右, 出面又唔係有人等位, 餐廳又唔係滿座, 你又唔係要收工, 做乜要我咁早埋單呀???)
7. 我地決定唔理張單由佢放係張檯度繼續傾計, 杯檸茶講明可以refill既, 咁當然一路飲一路傾, 自然希望佢一路refill啦....咁佢睇唔到我個杯空左, 我都會叫佢黎refill...點知叫左幾個passby既職員, 口頭答左我得得得, 轉個頭10分鐘都係冇人黎refill...實在忍無可忍, 唔該你有就有, 冇就冇, 唔好呢頭答我得, 果頭唔見左人先得架...點做野架???
8. 好喇...終於等到有人refill喇...但係冇哂糖漿喎...咁問佢啦, 佢係拎走左成個樽冇拎返黎架! 原來...檸茶可以refill, 但係糖漿係唔可以的
9. 我地繼續坐繼續傾, 傾到10點半左右, 佢話要埋數叫我地埋左張單先, ok丫, 你要埋數我明白, 埋張單真係唔難...放低張visa jie...點知15分鐘後先有人黎收張單囉...(嘩, 你真係趕住埋數喎, 趕到可以黎催我地埋單但係唔黎收既)
10. 埋完單見仲有好幾圍檯仲食緊, 咁我地都繼續傾啦, 問過員工佢地收11點/11點半左右...咁一日你唔收工, 我唔阻住你, 我地suppose可以繼續坐繼續傾jie...反正你都收哂我檯上面既野, 除左杯冇人黎refill既檸茶....
最後我地傾到1045pm 就走喇...其實我明白我由8點坐到1045你地可能睇唔順眼, 但如果餐廳係有人排隊等位我唔介意食完就走, 問題係冇丫ma!!! 成晚d員工毫無笑容之餘仲十問九唔應....經過張檯放低d野一粒聲都唔出就走...唔明白點解間餐廳d員工可以如此死氣沉沉...唔知係咪餐廳欠佢地人工...
anyway, 一直覺得CPK既食物係好食, 所以都推薦朋友去果度聚餐, 可惜既係員工態度同服務質素真係差...所以大家只係想食唔介意服務的話一去無妨既~ 期待CPK管理層睇到呢篇留言可以好好反省/培訓一下d員工啦
張貼