餃掂手工餃子雲吞專門店

營業中

休息中

呢間餃子專門店越開越多，最新一間係中環呢邊，特別在於呢度嘅餃子都係主打健康餡料，所以今晚來就唔少得叫左佢地招牌養生系列餃子，蒸餃同煎餃各一款。至尊松茸豬肉餃配狀元九鼎湯每隻餃子都漲卜卜，皮薄餡多，非常足料，肉彈牙有韌勁。狀元九鼎湯由鯪魚、鯽魚、粉葛等多種材料熬製而成，無添加任何味精，滋補養生之選！湯嘅粉葛味道比較突出，整體味道清淡，不會太濃太鹹，將餃子浸在湯之中，湯嘅味道滲入餡料，食起來味道更佳！元貝豬肉煎餃子煎餃依然係十分足料，而且煎得香脆可口，內裏嘅元貝同豬肉配搭得幾好，啖啖肉，好滿足啊！重慶鮮肉雲吞有唔同辣度可以選擇，非常惹味！鹵水雞翼雞翼都醃得好入味，好好食！蜂蜜檸檬薏米水&自製山楂雪梨水飲品都好養生，味道酸酸甜甜，飲起來十分開胃。