韓屋

疫情期間冇得飛韓國，又好想念當地熱辣辣嘅韓式燉湯，一直喺香港都搵唔到相似嘅味道，朋友推介呢一間主打冇味精湯底嘅韓國餐廳，今日就喺度搵返韓國地道味道☺️中午來都有好多人排隊，全店滿咗好熱鬧，但係為咗食返韓國當地味道，就唯有排一陣隊啦~餐牌上有好多韓國特色地道嘅燉湯可以選擇，不過我都係最掛住釜山嘅豬肉湯！😍釜山豬肉湯~啱啱煲起熱辣辣，份量好大碗，而且十分足料，有大量嘅豬肉和香蔥，媲美韓國嘅份量，一嚐湯底味道十分濃郁，食得出係經過大量嘅湯料熬製而成🤩可以自行加入配料和辣醬，按自己喜好調教調味份量，我加入全部辣醬味道剛剛好，帶有少少香辣成份刺激味蕾，但又不至於蓋過湯底味道，感覺好滿足~香辣牛肉湯~顧名思義，湯底以香辣為主，但驚喜嘅係沒有蓋過了牛肉湯底的味道，既有刺激味蕾的感覺，亦有濃郁的牛肉香味，配合紅米飯食味道一流，而且有大量的牛肉和配菜，整體比一人份量還要多，食完超級滿足😝蔘雞餃子王~韓國食物怎能少了餃子🥟😋餃子皮薄，塞滿了滿滿的雞肉餡料，內裏帶有少量粉絲碎，為整體口感提高了一個層次，點埋醬汁一齊食調味啱啱好，不知不覺就食晒成碟了😙