馬祖台灣養生湯麵館 (留仙街) (已結業)

台灣麵不嬲都出名， 但養生湯麵就真係比較少見， 愛好養生嘅我當然唔會放過呢間餐廳。餐廳距離天后地鐵站大約一分鐘路程，非常方便。台灣藥膳農場醉雞湯麵，$56， 加兩蚊可以轉台灣手工麵。 食得養生湯麵個養生湯當然係重點， 食到好重當歸，紅棗同埋杞子嘅味道， 湯嘅味道非常濃郁， 作為湯麵嘅湯底認真不錯。 醉雞同養生湯味道非常夾， 花雕酒將養生湯嘅味道進一步提升， 醉雞件浸淫過養生湯之後亦都更加美味。店舖強烈推介嘅秘製辣醬。跟餐加26蚊 可以多一客麻辣白菜豬肉餃， 呢度嘅麻辣醬汁算係做得唔錯， 白菜豬肉餃就有啲似某個碼頭嘅味道， 算係不過不失。