杏甜品 (豉油街) (已結業)

不斷回訪嘅一間甜品店，主打健康低糖甜品，招牌係佢嘅杏汁甜品🥜，之前一直唔鍾意杏仁嗰種味道，食過呢間之後，發現原來杏仁嘅甜品都可以咁好食！佢個menu除咗杏汁甜品，仲有好多比較養生天然嘅甜品，特別推介佢嘅燉蛋白同埋椰皇系列，比較健康又好食！------------------------------🍧◖招牌杏汁波波爽冰木蓮凍◗ $65見佢係新出，一定試吓！爽冰可以自選一款，有榴槤、蜜瓜🍈、士多啤梨🍓、芒果🥭、龍眼五隻味可以揀，今次揀咗四拼都係加$10！大大碗好足料，除咗有爽冰，仲有小芋圓、青鑽同杏汁。今次揀咗龍眼、榴槤、芒果、蜜瓜味嘅爽冰，每款都好清新，味道一啲都唔人工，甜度啱啱好！木蓮凍味道同涼粉差唔多，口感更加滑溜，青鑽一粒粒好似西米露咁，咬落好軟糯，加埋煙韌嘅小芋圓，好有層次！🥥◖椰皇湯圓燉雙皮奶◗ $69可以自選湯圓口味，揀咗最經典又好食嘅黑芝麻湯圓，同佢個雙皮奶好夾！一碗有三粒湯圓，一咬開啲芝麻餡係流心㗎，濃郁嘅芝麻味，口感好軟滑！佢個椰皇真係好高質，裝住啲燉雙皮奶同杏汁🍮，雙皮奶好香蛋白味好滑，椰皇嘅椰子肉好容易刮出嚟，加埋啲杏汁食，好夾！🌟Encore指數：9/10