影片
更多
2016-01-06
750 瀏覽
無意中喺OPENRICE見到呢間舖頭名，以為又一間玩食字嘅食肆，但本人素喜食餃子，見到佢以餃子為主打，梗係CLICK入去睇吓。見到有一樣獨家產品好吸引，決定去支持一下。 舖面厨房居中，座位分前後兩個區域，裝修簡單光猛，松茸係高級食材，喺日本秋天當造時，更加係價比黃金。既然係主角，所以成間餐廳都掛滿介紹松茸嘅資料。枱面有免費酸蘿蔔供應。既然嚟到，梗係要試吓招牌松茸餃。 松茸餃$65/8隻配狀元九鼎湯湯餃同湯係分開上，外表平平無奇，一咬落去既即刻嚇親，啲松茸味洶湧澎湃，濃郁香醇，但望落隻餃子入面又見唔到松茸嘅踪影，即係已經將松茸絞至全碎，再混入豬肉嚟包。餃子湯汁唔算多，但半肥瘦豬肉嫩滑，餃子皮薄，極易入口。而且跟餐附送一碟仔獨家松茸醬，味道如出一轍。食完隻餃，依然齒頰留香。 狀元九鼎湯，其實係粉葛鯪魚鰂魚湯，煲得夠火候，飲得出無落味精，因為飲完無口渴頭痛，甚至連鹽都無落，客人可以自己加，湯味天然，同餃子一齊食好正氣。 粟米鮮肉餃$38/10隻配狀元九鼎湯未食隻餃，純粹目測都見到用原粒飽滿嘅粟米同半肥瘦豬肉包餃，食落嫩滑，餃皮夠煙韌唔會一夾即爛。再點松茸
無意中喺OPENRICE見到呢間舖頭名，以為又一間玩食字嘅食肆，但本人素喜食餃子，見到佢以餃子為主打，梗係CLICK入去睇吓。見到有一樣獨家產品好吸引，決定去支持一下。
舖面厨房居中，座位分前後兩個區域，裝修簡單光猛，松茸係高級食材，喺日本秋天當造時，更加係價比黃金。既然係主角，所以成間餐廳都掛滿介紹松茸嘅資料。枱面有免費酸蘿蔔供應。既然嚟到，梗係要試吓招牌松茸餃。
松茸餃
$65
44 瀏覽
1 讚好
0 留言
松茸餃$65/8隻配狀元九鼎湯
湯餃同湯係分開上，外表平平無奇，一咬落去既即刻嚇親，啲松茸味洶湧澎湃，濃郁香醇，但望落隻餃子入面又見唔到松茸嘅踪影，即係已經將松茸絞至全碎，再混入豬肉嚟包。餃子湯汁唔算多，但半肥瘦豬肉嫩滑，餃子皮薄，極易入口。
而且跟餐附送一碟仔獨家松茸醬，味道如出一轍。食完隻餃，依然齒頰留香。
狀元九鼎湯
151 瀏覽
1 讚好
0 留言
狀元九鼎湯，其實係粉葛鯪魚鰂魚湯，煲得夠火候，飲得出無落味精，因為飲完無口渴頭痛，甚至連鹽都無落，客人可以自己加，湯味天然，同餃子一齊食好正氣。
粟米豬肉餃
$38
63 瀏覽
1 讚好
0 留言
粟米鮮肉餃$38/10隻配狀元九鼎湯
未食隻餃，純粹目測都見到用原粒飽滿嘅粟米同半肥瘦豬肉包餃，食落嫩滑，餃皮夠煙韌唔會一夾即爛。再點松茸醬佐食一樣好食，但由於珠玉在前，風味明顯不及松茸餃。但仍然屬於高水準之作。
除咗餃子，餐廳仲有提供麵食，不過我今次留肚食餃，無位再試喇。
P.S.老闆劉生充滿正能量同經營食店嘅熱情，店內牆上掛滿經營生意同待人接物之道。
張貼
