餃掂手工餃子雲吞專門店

好多餐廳都係疫市受影響。但餃掂就完全無影響，仲有擴充，果然有口啤。👍🏻👍🏻👍🏻上次我已經試了灣仔的餃掂，今次特登帶朋友仔來試一試。朋友仔無辣不歡，所以佢見到調味料，已經好開心，因為淨係辣味已經有幾款款。我最鍾意四川辣油，因為夠辣夠過癮。餃子方面，我地點了香煎龍鳳松茸餃子。龍鳳意思就係四隻黑松露，四隻白松露。呢款配搭幾有心思。煎完的餃皮更加有一點點香脆，而松露本來已經有一點點的香味。所以難怪這是店舖的招牌菜了。推介。朋友點了至尊松茸豬肉餃，今次我們要的是湯餃。湯餃可以透過晶瑩半透明的餃皮，看到每粒都脹卜卜，非常飽滿，也是視覺享受。跟湯餃附送了老火魚湯，朋友大愛，一點都無魚腥味，在魚肉清潔處理方面一定下了不少苦功。魚湯美白養顏，怎能不愛。四川涼皮，辣味剛好，正。涼皮彈牙，皮身有2mm厚，夠煙銀。我連花生同肉碎都食埋。蜜餞雞翼，夠入味，又不會太甜，反而是半咸甜的，不錯。雞皮同雞肉都好林。