三一餃子 (通菜街)

營業中

休息中

位於中環的 #三一餃子 旺角分店仲有酒牌，可以以酒佐餃好特別，同場更有不少小食，想飽肚仲可以揀湯餃麵、湯餃飯，保證夠哂飽！這裡的餃足足有7款，可以揀湯餃或煎餃，心多多就雙拼啦！◽️ 黑白松露豬肉餃、韭黃墨醉雞餃前者咬一口就散發松露香，配埋豬肉真係好夾；後者好有驚喜，雞肉配墨魚漿加韭黃製成餡，食落比較輕盈之餘仲好彈牙，仲有陣陣酒香。◽️ 火焰醉雞翼旺角店限定小食！上桌後，店員會用火槍燒燒佢，食落酒香滿滿，肉質又嫩滑，可以蘸少少柚子醬，減膩又開胃。◽️ 關東煮見到即叫，一碗有齊溫泉蛋、蘿蔔、竹輪、冬菇、魚蛋等等，豐富又入味，$38一碗CP值超高！◽ 吉列炸蠔餐牌寫明廚房偷食系列，我就光明正大咁叫，食落香脆又有蠔味，而且一啲都不會太油膩，食一啖配啖酒，正呀！◽️ 為酒而炸雞軟骨串另一款佐酒小食，雞軟骨好香口，灑上少少鹽仲香口，食下食下就清哂啦。▪️ 日本清酒鮮榨生貯藏酒、日本清酒二段酵母仕込坐低就有兩杯清酒（前者），入口的鮮爽好fresh，大吟釀的香氣好新鮮；後者口感較前者醇厚，味爽又平衡，能配搭不同的菜式。▪ 無冰．冷萃咖啡咖啡質素都好高，醇滑濃香好提神。