烏蠅館 (新都城中心二期) (已結業)

今次第一次嚟依間到食，之前行過見到都多人食，所以諗住試下。叫咗冒菜餐同餃子，本身食咗幾啖嗰冒菜都覺得唔錯，都叫幾抵食而味道亦唔差。點知其中一粒餃子入面食到好大粒石🤢，先唔講啲餃子乾唔乾淨，如果食得大力啲，牙都可能崩埋。好彩發現到而唔係食咗落肚，如果食嗰個係老人家或者小朋友都唔知點算。我真係從來未係任何一間食店嘅食物食到咁大粒石。問咗店員先知佢地啲餃子係人手包，但點解可以人手包都包到有咁大粒石係入面？雖然個店員提出換一碟，但難保其他餃子都會有石係入面。