更多
2023-09-11
91 瀏覽
早兩日行荃新天地見到有間炯記餐室,記得上次係大窩口嘅炯記買過一次外賣,質素不錯,而且有我最鍾意嘅撈麵,點可以唔入去食。我地點左$198嘅二人套餐,一上枱有d嚇親,份量好多,性價比極高。我地揀左麻辣手撕雞(半隻),雞肉嫰滑,辣度比我想像中強,配上撈麵真係一流。醬皇豬手一碟有6隻,份量十足,滷得相當夠味,炆得夠腍,骨膠原滿分。二人套餐重有一份酸辣雲耳和麻辣雞腎,雲耳酸辣開胃開胃,雞腎入口爽脆。還有每人一碗中湯和油菜。鵝油撈麵撈粗煮得剛剛好,入口彈牙得黎帶油香,食到停唔到口。
張貼