極尚大瀛喜日本料理

營業中

休息中

舊同事聚餐，呢兩個舊同事就好鍾意食放題。之前已打過幾次邊爐，今次就轉日式。自選時段兩個鐘，19:00入席已經好多人。出面啲熱食同埋凍食都已經俾人搶咗一半。咁我啲舊同事都係主力嚟食刺身，所以就冇乜𨦸食過出邊嗰啲小食。app落order其實都有漏單，不過都叫做嚟咗三份二，係可以接受。溝下野食先⋯⋯刺身都新鮮嘅，不過第一盤就細啲，放喺後面啲油甘魚，劍魚腩，好似一片正常size再開二。不過後來追加嗰啲魚生就大番晒少少。個昆布汁鮑魚好食，浸得夠入味。當中最鍾意係佢個乳鴿，夠嫰又夠入味，但係唔會太鹹，整得好食過出邊好多酒樓。乾炒蜆係惹味，濃左少少，不過送啤酒一流。羊架都唔錯有肉唔係得肥膏，同埋唔騷咬落去都Juicy。另外仲有日本版嘅雪糕，提子味就甜咗啲，另外開心果就幾好食，呢個絕對係回本嘅選擇。