食代館 (MOKO新世紀廣場) (已結業)

今日去左中旅社換回鄉證，整好仲有成個幾鐘先返工，所以行去Moko food court搵食🤣可能未到lunch time, 所以都容易搵位，而且坐得好舒服👍🏻行左幾間，就揀左呢間食醬油牛肉炒河套餐，有個中湯，加埋個小食。牛肉炒河：炒得都好夠鑊氣，唔會太油，牛肉都幾大塊下，河粉都算幾滑，唔硬唔淋，河粉口感岩岩好👍🏻套餐跟中湯，唔多似係老火湯，飲到有啲味精😅不過算係咁，有湯飲下，無咁dry。另外仲有個涼拌木耳，酸酸甜甜，都幾開胃。其他套餐都好抵食，下次要試埋其他先得。