鋿晶館

營業中

休息中

老友約食飯，係旺角呢間#鋿晶館 ，佢話餐廳是自家品牌，全部手作點心，都是現場即點即做👍。而且師傅曾就職於日本，東京富麗華多年，專門服侍高管達人和明星，回港後在多間米芝蓮酒店及大型連鎖酒樓集團做主管，經驗豐富。最緊要食物質素有保證。飲茶一定叫的蝦餃、燒賣，呢度很好可以叫半份，咁我哋2個人，就可以點多些唔同款式嘅食物。月半彎晶瑩鮮蝦餃，皮薄餡料靚，蝦都是爽口彈牙，調味剛好☺️。黑松露北菇燒賣，食得出豬肉新鮮，多了黑松露味，令燒賣味道更提升。鮑魚北菇燒賣王，鮑魚仔好得意，細細粒容易食，柔軟彈牙，燒賣內有香菇味肉味香。活拆生剝鮮蝦腸，蝦🦐新鮮好味，大小適中，腸粉皮晶瑩剔透有煙韌感，點上豉油加埋辣油☺️yummy 👍。螺頭燉花膠湯&姬松茸雪耳燉雞湯，2款湯都足料熱辣辣，飲落清甜滋潤，啱晒我呢啲想飲湯又懶人仕，價錢都抵過自己煲。子薑皮蛋，子薑爽嫩清香，味辛微溫，益脾胃散風寒，配皮蛋最佳拍擋。川芎白芷蒸頭腩，川芎能活血止痛，配頭腩更能緩解頭痛，對自己好d, 要食多啲健康野。